Mchuzi wa viazi vya kukaanga

Chukua sufuria kubwa. Weka kwenye hilo sufuria viazi mviringo, chumvi kiasi, pamoja na maji, kisha chemsha kwenye jiko lenye moto wa wastani kwa muda wa dakika 10.

Epua na umwage maji yote yaliyomo kwenye sufuria na kubakiwa na viazi peke yake, kisha acha vipoe.

Menya maganda ya viazi hivyo, kisha vikate katika vipande vidogo vidogo.

Chukua mashine ya kusaga (blender). Weka kwenye hiyo mashine ya kusaga, mtindi pamoja na vikombe 1½ vya maji, kisha saga hadi utakapo ona mchanganyiko huo umesagika vizuri na kuwa laini.

Chukua kikaango kikubwa chenye mafuta ya kupikia na ukiweke kwenye jiko lenye moto mkubwa, kisha acha mafuta yapate moto. Weka viazi ulivyo vichemsha kwenye hicho kikaango, halafu kaanga huku ukivigeuza mara kwa mara kwa muda wa dakika 2 mpaka 3, au hadi utakapo ona vimebadilika rangi na kuwa na rangi ya kahawia, kisha epua na uweke pembeni. Ondoa viazi hivyo kwenye kikaango na uviweke pembeni kwenye kontena lenye paper towel, kisha acha vikauke mafuta.

Chukua sufuria kubwa lenye vijiko 2 vya chakula vya mafuta ya kupikia yaliyomo kwenye kikaango, kisha acha mafuta yapate moto. Weka kwenye hilo sufuria, binzari nyembamba, iliki, mdalasini, karafuu, viazi ulivyo vikaanga, mbegu za shamari, mbegu za giligilani, tangawizi, pamoja na kijiko 1 cha chai cha chumvi, kisha kaanga huku ukikoroga mara kwa mara kwa muda wa dakika 3, au hadi utakapo ona viungo vimeshikamana pamoja na viazi.

Mimina mchanganyiko wa mtindi ulio usaga, halafu koroga vizuri, kisha weka moto mkubwa na uache ichemke.

Ukiona imeanza kuchemka, punguza moto na uweke moto mdogo, kisha funika sufuria na uache iendelee kuchemka kwa muda wa dakika 10, au hadi utakapo ona mchuzi umekuwa mzito.

Nyunyizia garam masala halafu koroga vizuri, kisha epua na upakue kwenye chombo safi, tayari kwa kula.